Քաղաքական վերլուծաբան Հակոբ Բադալյանը Թելեգրամի իր էջում անդրադարձել է ԱՄՆ փոխնախագահի այցին. «Ի՞նչ առանցքային բան է ասել ԱՄՆ փոխնախագահը Վենսը Նիկոլ Փաշինյանի հետ հանդիպումից հետո: Իհարկե, այստեղ մոտեցումները թերեւս զգալիորեն պայմանավորված են ճաշակով, այսինքն քաղաքական հայացքներով: Նիկոլ Փաշինյանի համակիրների եւ «երդվյալ արեւմտականների» համար Վենսի գալուստը եւ խոսքերը, եթե աստվածային չէին, ապա՝ կիսաստվածային էին:
Գործնականում, հայտարարություններում ընդհանուր դիտարկելի տարբեր դրույթներով հանդերձ, ԱՄՆ փոխնախագահի այցի առանցքը հետեւյալ միտքն է, որ մեջբերում եմ Առավոտի իմ գործընկերների հրապարակած նյութից. «Իհարկե, ԱՄՆ-ն դրական ու կառուցողական դեր է խաղում, բայց իմ կարծիքով փողը չէ խնդիրը։ Շատ հետաքրքրվածություն ու շահագրգռվածություն կա աշխարհով մեկ, մարդիկ համոզված են, որ կարող են Հայաստանում ներդնելով՝ բավականին շահույթ ստանալ։ Այստեղ հիմնական հարցն է, թե ինչպես ենք խաղաղության հաստատումը հետագա հաջորդ փուլ հասցնելու, որ գանք մի իրավիճակի, որ պարոն վարչապետը կարողանա ապագայի վրա կենտրոնանալ։ Գիտենք, այստեղ ընտրություններն են օրակարգում շուտով, նա մի անձնավորություն է, որն ի վիճակի է երկարատև համագործակցություն հաստատել։ Մեկ գիշերվա մեջ չի լինելու, բայց կարող ենք ասել՝ օգոստոսի 8-ից մինչ օրս շատ մեծ առաջընթաց արդեն արձանագրել ենք»:
Հատկապես ուշադրություն եմ հրավիրում հետեւյալ նախադասության վրա՝ «Շատ հետաքրքրվածություն ու շահագրգռվածություն կա աշխարհով մեկ, մարդիկ համոզված են, որ կարող են Հայաստանում ներդնելով՝ բավականին շահույթ ստանալ։ Այստեղ հիմնական հարցն է, թե ինչպես ենք խաղաղության հաստատումը հետագա հաջորդ փուլ հասցնելու, որ գանք մի իրավիճակի, որ պարոն վարչապետը կարողանա ապագայի վրա կենտրոնանալ»:
Այլ կերպ ասած, Հայաստանի վարչապետը անելիք ունի «խաղաղության համար», ասում է Ջեյ Դի Վենսը, եւ շռայլ խոսքերը՝ տեխնոլոգիաների ու ներդրումների մասին, միայն այդ անելիքից հետո:
Ի՞նչն է անելիքը: Սա է մտածելիքը»:
դիտվել է 644 անգամ
Լրահոս
Ամենաընթերցվածները
Շուտով
Փետրվարի 10-ին՝ ժամը 15։00-ին, Հայելի ակումբի հյուրն է Աշոտ Անդրեասյանը
Փետրվարի 10-ին՝ ժամը 13։00-ին, Հայելի ակումբի հյուրն է քաղաքագետ Երվանդ Բոզոյանը
Փետրվարի 10-ին՝ ժամը 12։00-ին, Հայելի ակումբի հյուրն է ՀՀ ԶՈՒ պահեստի գնդապետ Վոլոդյա Հովհաննիսյանը
Փետրվարի 9-ին՝ ժամը 15։00-ին, Հայելի ակումբի հյուրն է Աշոտ Անդրեասյանը
Փետրվարի 9-ին՝ ժամը 14։00-ին, Հայելի ակումբի հյուրն է քաղտեխնոլոգ Վիգեն Հակոբյանը
Փետրվարի 9-ին՝ ժամը 13։00-ին, Հայելի ակումբի հյուրն է ԱԺ նախկին պատգամավոր Նաիրա Զոհրաբյանը
Փետրվարի 9-ին՝ ժամը 11։00-ին, Հայելի ակումբի հյուրն է ԱԺ պատգամավոր Գառնիկ Դանիելյանը
Փետրվարի 6-ին՝ ժամը 16։00-ին, Հայելի ակումբի հյուրն է Միասին շարժումից Ժասմինա Ղևոնդյանը
Փետրվարի 6-ին՝ ժամը 15։00-ին, Հայելի ակումբի հյուրն է ազատամարտիկ Սեյրան Չիլինգարյանը
Փետրվարի 6-ին՝ ժամը 14։00-ին, Հայելի ակումբի հյուրն է Մայր Հայաստանից Արշակ Սարգսյանը