Եվրագոտու տնտեսությունը երկրորդ եռամսյակում նախորդ երեք ամիսների համեմատ աճել է 0.4%-ով: Այս մասին ասվում է Եվրոպական միության վիճակագրական ծառայության նախնական տվյալներում։
Տարեկան կտրվածքով ՀՆԱ-ի աճը կազմել է 1%։
Trading Economics-ի կողմից ներկայացված կոնսենսուս-կանխատեսման համաձայն՝ փորձագետներն ակնկալում էին, որ եվրագոտու ՀՆԱ-ն կաճի ընդամենը 0.2%-ով՝ եռամսյակային, և 0.5%-ով՝ տարեկան արտահայտությամբ։
Առաջին եռամսյակում եվրագոտու տնտեսությունը նախորդ եռամսյակի համեմատ փոփոխություն չէր գրանցել, իսկ 2025 թվականի հունվար-մարտ ամիսների համեմատ աճել էր 0.5%-ով։ Այս տվյալները վերանայվել են դեպի վեր․ ավելի վաղ հաղորդվել էր համապատասխանաբար 0.2% անկման և 0.3% աճի մասին։
Գերմանիայում, Ֆրանսիայում և Իտալիայում ՀՆԱ-ն ապրիլ-հունիս ամիսներին եռամսյակային արտահայտությամբ աճել է 0.2%-ով, Նիդեռլանդներում՝ 0.4%-ով, իսկ Իսպանիայում՝ 0.7%-ով։
Եվրոպական միության տնտեսությունն անցած եռամսյակում նախորդ երեք ամիսների համեմատ աճել է 0.5%-ով, իսկ տարեկան արտահայտությամբ՝ 1.2%-ով։
Սա ՀՆԱ-ի փոփոխության վերաբերյալ երեք գնահատականներից առաջինն է։ Երկրորդ գնահատականը կհրապարակվի օգոստոսի 14-ին։