https://arm.sputniknews.ru/20260727/harvatsneri-en-entarkvel-saudjan-arabiajum-gtnvvogh-navtajin-objektnery-105111774.html
Հարվածների են ենթարկվել Սաուդյան Արաբիայում գտնվող նավթային օբյեկտները
Հարվածների են ենթարկվել Սաուդյան Արաբիայում գտնվող նավթային օբյեկտները
Sputnik Արմենիա
Տարածաշրջանում ուժեղացվել են անվտանգության միջոցառումները։ 27.07.2026, Sputnik Արմենիա
2026-07-27T17:30+0400
2026-07-27T17:30+0400
2026-07-27T17:30+0400
սաուդյան արաբիա
նավթ
գործարան
իրանի իսլամական հանրապետություն
իրաք
https://cdn.am.sputniknews.ru/i/logo/logo-social.png
ԵՐԵՎԱՆ, 27 հուլիսի – Sputnik. Սաուդյան Արաբիայի Արևելյան նահանգում և մայրաքաղաք Էր Ռիադի շրջանում գտնվող նավթային օբյեկտները հարվածներ են ենթարկվել։ Այս մասին հայտնում են արտասահմանյան լրատվամիջոցները:Իրանական «Tasnim» գործակալությունը գրում է, որ թիրախավորվել է մասնավորապես Աբկայկի նավթավերամշակման գործարանը։«Աղբյուրները հայտնում են, որ Սաուդյան Արաբիայի արևելքում գտնվող Աբկայկի՝ նավթի վերամշակման աշխարհի կարևորագույն կենտրոններից մեկի հսկայական նավթային օբյեկտում հրդեհ է բռնկվել անօդաչու թռչող սարքերի և հրթիռների հարվածների հետևանքով», – ասված է «Tasnim»-ի հաղորդագրության մեջ:Սաուդյան Արաբիայի իշխանություններն արդեն հաստատել են հարձակման փաստը և հայտնել, որ ԱԹՍ–ներն արձակվել են Իրաքի տարածքից:Սաուդյան Արաբիայի պաշտպանության նախարարության պաշտոնական ներկայացուցիչ Տուրկի ալ-Մալիքին հայտարարել է, որ երկրի հակաօդային պաշտպանության ուժերը ոչնչացրել են ԱԹՍ-ներ, որոնք վերջին մի քանի ժամվա ընթացքում արձակվել են Արևելյան նահանգում և Էր Ռիադ շրջանում նավթային օբյեկտներին հարվածելու համար: Գեներալի խոսքով՝ այդ հարձակումներն իբր իրականացվում են Իրանի կողմից աջակցվող զինյալների կողմից:Էր Ռիադում հայտարարել են, որ Սաուդյան Արաբիան իրեն իրավունք է վերապահում պատասխան միջոցներ ձեռնարկել Իրաքի դեմ:Տարածաշրջանում ուժեղացվել են անվտանգության միջոցառումները, պատահարի վայրում աշխատում են արտակարգ ծառայությունները: Կոնկրետ հետևանքների և հնարավոր տուժածների մասին տեղեկություններ դեռ չկան։Աբկայկը նավթի հանքավայր է, որտեղ գտնվում է հում նավթի հարստացման ամենամեծ գործարանը: Բացի այդ, այն Սաուդյան Արաբիայի ազգային նավթային ընկերության (Aramco) նավթավերամշակման գլխավոր կենտրոնն է և երկրի տարածքում հայտնաբերված առաջին հանքավայրերից մեկը:
սաուդյան արաբիա
իրանի իսլամական հանրապետություն
իրաք
2026
Լուրեր
am_HY
սաուդյան արաբիա, նավթ, գործարան, իրանի իսլամական հանրապետություն, իրաք
սաուդյան արաբիա, նավթ, գործարան, իրանի իսլամական հանրապետություն, իրաք
Տարածաշրջանում ուժեղացվել են անվտանգության միջոցառումները։
ԵՐԵՎԱՆ, 27 հուլիսի – Sputnik. Սաուդյան Արաբիայի Արևելյան նահանգում և մայրաքաղաք Էր Ռիադի շրջանում գտնվող նավթային օբյեկտները հարվածներ են ենթարկվել։ Այս մասին հայտնում են արտասահմանյան լրատվամիջոցները:
Իրանական «Tasnim» գործակալությունը գրում է, որ թիրախավորվել է մասնավորապես Աբկայկի նավթավերամշակման գործարանը։
«Աղբյուրները հայտնում են, որ Սաուդյան Արաբիայի արևելքում գտնվող Աբկայկի՝ նավթի վերամշակման աշխարհի կարևորագույն կենտրոններից մեկի հսկայական նավթային օբյեկտում հրդեհ է բռնկվել անօդաչու թռչող սարքերի և հրթիռների հարվածների հետևանքով», – ասված է «Tasnim»-ի հաղորդագրության մեջ:
Սաուդյան Արաբիայի իշխանություններն արդեն հաստատել են հարձակման փաստը և հայտնել, որ ԱԹՍ–ներն արձակվել են Իրաքի տարածքից:
Սաուդյան Արաբիայի պաշտպանության նախարարության պաշտոնական ներկայացուցիչ Տուրկի ալ-Մալիքին հայտարարել է, որ երկրի հակաօդային պաշտպանության ուժերը ոչնչացրել են ԱԹՍ-ներ, որոնք վերջին մի քանի ժամվա ընթացքում արձակվել են Արևելյան նահանգում և Էր Ռիադ շրջանում նավթային օբյեկտներին հարվածելու համար: Գեներալի խոսքով՝ այդ հարձակումներն իբր իրականացվում են Իրանի կողմից աջակցվող զինյալների կողմից:
Էր Ռիադում հայտարարել են, որ Սաուդյան Արաբիան իրեն իրավունք է վերապահում պատասխան միջոցներ ձեռնարկել Իրաքի դեմ:
Տարածաշրջանում ուժեղացվել են անվտանգության միջոցառումները, պատահարի վայրում աշխատում են արտակարգ ծառայությունները: Կոնկրետ հետևանքների և հնարավոր տուժածների մասին տեղեկություններ դեռ չկան։
Աբկայկը նավթի հանքավայր է, որտեղ գտնվում է հում նավթի հարստացման ամենամեծ գործարանը: Բացի այդ, այն Սաուդյան Արաբիայի ազգային նավթային ընկերության (Aramco) նավթավերամշակման գլխավոր կենտրոնն է և երկրի տարածքում հայտնաբերված առաջին հանքավայրերից մեկը: