Բեռլինի ոստիկանությունը պաշտոնապես հաստատել է Գերմանիայի մայրաքաղաքի կենտրոնում տեղի ունեցած ահաբեկչական հարձակման համար կասկածվողի մահը։
Հայտարարության համաձայն՝ հանցագործը կիրակի ոստիկանների կրակոցից մահացել է Բեռլինի Շպանդաու շրջանի այգեգործական համալիրում։ Ենթադրաբար, նա սուր զենքով հարձակվել է իրավապահ մարմինների աշխատակիցների վրա, որոնք էլ կրակել են նրա վրա։
Լիբանանյան ծագումով 21-ամյա մի տղամարդ Բեռլինի Տիրգարտեն այգում զանգվածային միջոցառման ժամանակ միկրոավտոբուսով մխրճվել էր մարդկանց բազմության մեջ։ Դրանից հետո նա հարձակվել է մարդկանց վրա մաչետեի նման առարկայով, ինչի հետևանքով մեկ մարդ զոհվել է, ևս 29-ը վիրավորվել:
Գերմանիայի ներքին գործերի նախարար Ալեքսանդր Դոբրինդտը միջադեպը համարել է «իսլամիստների կողմից իրականացված ահաբեկչական հարձակում»։
Գերմանիայի կանցլեր Ֆրիդրիխ Մերցը դատապարտել է միջադեպը՝ այն որակելով որպես «սարսափելի արարք» և հարձակում գերմանական հասարակության վրա։