ԵՐԵՎԱՆ, 26 հուլիսի — Sputnik.
Իրանից Հայաստան մեկ չվերթ չեղարկվել է, ևս 9 միջազգային չվերթ ուշացումով կժամանի Երևան: Այս մասին են վկայում «Զվարթնոց» միջազգային օդանավակայանի առցանց ցուցատախտակի տվյալները։Մասնավորապես, չեղարկվել է Թեհրան–Երևան չվերթը, որը պետք է ժամաներ Հայաստանի մայրաքաղաք այսօր` ժամը 18:30–ին:
Բացի այդ, ուշացումով սպասվում է վեց չվերթ Ռուսաստանից՝ Նիժնի Նովգորոդից, Կազանից, Եկատերինբուրգից, ինչպես նաև երեք չվերթ` Մոսկվայից:
Հետաձգվել են նաև Թել Ավիվից, Տիվատից և Շարմ Էլ Շեյխից եկող չվերթերը:
Ուշացումով կիրականացվեն հետևյալ ավիաընկերությունների չվերթերը` «Ural Airlines», «Shirak Avia», «Red Wings» և «FlyOne»: