Կաթիլով ջուր են տալիս, էն էլ՝ թունավոր. բյուրեղավանցիները «Վեոլիա Ջրից» պատասխան են ուզում

Կաթիլով ջուր են տալիս, էն էլ՝ թունավոր. բյուրեղավանցիները «Վեոլիա Ջրից» պատասխան են ուզում

Կաթիլով ջուր են տալիս, էն էլ՝ թունավոր. բյուրեղավանցիները «Վեոլիա Ջրից» պատասխան են ուզում

Sputnik Արմենիա

Բնակիչները վստահ են, որ «Վեոլիա Ջուրն» իր չկատարած աշխատանքի հետևանքը փորձում է բարդել իրենց վրա և հայտարարում է, թե թունավորումը ջրից չէ։ 17.07.2026, Sputnik Արմենիա

2026-07-17T17:02+0400

2026-07-17T17:02+0400

2026-07-17T17:02+0400

«վեոլիա ջուր» ընկերություն

բյուրեղավան

թունավորում

https://cdn.am.sputniknews.ru/img/07ea/07/11/104754029_0:0:1280:721_1920x0_80_0_0_61783b4ae9a0db3c5e4538a5c11ca8d7.jpg.webp

Բյուրեղավան համայնքի բնակիչները, համայնքի ղեկավարի պաշտոնակատարի, ավագանու անդամների հետ, 3-4 մեքենայով գնացել են Երևան` «Վեոլիա Ջրի» գրասենյակից պարզաբանումներ ստանալու համար։ Այս մասին Sputnik Արմենիայի հետ զրույցում հայտնեց բնակիչներից Մարինե Զուռնաչյանը։Ավելի վաղ հայտնել էինք, որ Կոտայքի մարզի Բյուրեղավան համայնքում կրկին աղիքային վարակ է բռնկվել, ամբուլատոր բուժման են դիմել 30 քաղաքացիներ, մեծ մասը 4-5 տարեկան երեխաներ են։Նա վստահ է, որ «Վեոլիա Ջուրն» իր չկատարած աշխատանքի հետևանքը փորձում է բարդել բնակիչների վրա և հայտարարում է, թե թունավորումը ջրից չէ։Բնակիչները դժգոհ են, որ թունավորումների մասին տեղեկությունն իրենց շատ ուշ է հասել, համատարած չի հայտարարվել, որ բնակիչները ծորակից ջուր չխմեն։Բնակչի խոսքով` շատ ծանոթներ ունի, որոնք այժմ հոսպիտալացված են։ Բայց քիչ չեն նաև այն դեպքերը , երբ մարդիկ մնաում են տանը, փորձում ինքնուրույն լուծել խնդիրը։Մյուս բնակիչն էլ, որը չուզեց ներկայանալ, նշեց, որ իր երկու երեխաները՝ 5 և 8 տարեկան, ևս թունավորվել են, սակայն հոսպիտալացման համար չեն դիմել, քանի որ երեխաները ջերմություն չունեն։Նրա խոսքով` նախորդ թունավորումից հետո երեխաներից մեկի մոտ է աղիքային վարակ եղել։ Ավելի քան մեկ ամիս ծորակից ջուր չեն խմել։«Գիշերը երկու երեխաներս վատացան, փսխում էին, փորացավ ունեին, հասկացանք, որ էլի թունավորվել են։ Առավոտյան հենց արթնացել եմ, միանգամից խանութներից ջուր ենք գնել, ասել եմ՝ հանկարծ չխմեք էլ էդ ջրից։ Ինչքան ժամանկ է արդեն, որ մեզ մոտ ջրի խնդիր էլ կա, օրվա մեջ մի քանի ժամ են ջուր տալիս, կաթիլ–կաթիլ հավաքում ենք, էն էլ` թունավոր»,–ասաց նա։Հիշեցնենք` Բյուրեղավանում աղիքային վարակի դեպքեր էին արձանագրվել նաև այս տարվա ապրիլի 21-ին, հոսպիտալացվել էր 11 անձ։ Իրականացվել էր խմելու ջրի նմուշառում, և հայտնաբերվել էին շեղումներ։Նշենք, որ ապրիլի 30-ին կառավարության նիստում ՀՀ վարչապետ Նիկոլ Փաշինյանը պաշտպանել էր «Վեոլիա Ջուր» ՓԲԸ–ին՝ նշելով, թե ընկերությանը պատասխանատու չէ Հայաստանում առկա բոլոր խնդիրների համար։

բյուրեղավան