«Ես Պուտինին անընդհատ նույն բանն եմ ասում։ Չեմ ուզում մանրամասնել, բայց դա հետևյալն է. «Վլադիմիր, ժամանակն է, որ դու դադարեցնես։ Ժամանակն է, որ այս պատերազմն ավարտվի»։ Կարծում եմ՝ նա պատրաստ է գործարք կնքել»,- հայտարարել է ԱՄՆ նախագահ Դոնալդ Թրամփը «Fox News»-ին տված հարցազրույցում։
– Չեմ կարծում, որ որևէ մեկը երբևէ կկարողանա ասել, թե ինչ է տեղի ունեցել այնտեղ [Իրանի Մինաբի դպրոցի վրա հարվածը]։ Հնարավոր է նաև, որ ձեր ունեցած պատկերները ստեղծված լինեն արհեստական բանականության կողմից։ Չեմ կարծում, որ կարող է լինել վերջնական զեկույց։
– Լավ կլիներ, եթե Իսրայելը դուրս գար Լիբանանի և Սիրիայի հարավային մասերից։ [Սիրիայի նախագահ] Ահմեդ ալ-Շարաան կցանկանար մտնել և ոչնչացնել «Հըզբոլլահին»։ Ես մտածում եմ նրան կանաչ լույս վառելու մասին։
– Ես կարծում էի, որ Իրանում ռեժիմի փոփոխությունը հնարավոր է, երբ մենք սկսեցինք «Էպիկական ցասում» գործողությունը։ Ես պատկերացում անգամ չունեի, որ իրանական ռեժիմը պատրաստ կլինի սպանել 52,000 կամ նույնիսկ ցանկացած մարդու։