Քաղաքականություն
15.07.2026 | 11:36
Ռուսաստանը հուլիսի լույս 15-ի գիշերն Ուկրաինայի վրա արձակել է երկու X-59/69 կառավարվող հրթիռ և 122 անօդաչու թռչող սարք, որոնցից ուկրաինական ուժերը խոցել են 101-ը։ Այս հայտնում են Ուկրաինայի ռազմաօդային ուժերը, գրում է Current time-ը։
Օդեսայի մարզ – Հուլիսի 15-ի առավոտյան ռուսական զորքերը հրթիռային հարված են հասցրել Օդեսային, որի հետևանքով վնասվել է բազմահարկ բնակելի շենք, հայտնում է Օդեսայի տարածաշրջանային ռազմական վարչակազմի ղեկավար Օլեգ Կիպերը։ Քաղաքի ռազմական վարչակազմի ղեկավար Սերգեյ Լիսակի խոսքով՝ զոհվել է 3 մարդ, ևս 3-ը՝ վիրավորվել։
Բացի այդ, ըստ Կիպերի, վնասվել է ոչ բնակելի շենք, գազատար, մեկ հարկանի շենք, արտադրական գործարանի պատրաստի արտադրանքի պահեստ և երկու բեռնատար։ Օդեսայի մարզի հարավում վնասվել է բենզալցակայան։
«Օդեսայի մարզի վրա հրթիռային և անօդաչու թռչող սարքերի համակցված զանգվածային հարձակումը շարունակվում է արդեն հինգերորդ օրը։ Թշնամին միտումնավոր թիրախավորում է քաղաքացիական բնակչությանը, ինչպես նաև տարածաշրջանի քաղաքացիական, արդյունաբերական և նավահանգստային ենթակառուցվածքները»,- նշել է տարածաշրջանի վարչակազմի ղեկավարը։
Չեռնիգովի մարզ – Պրիլուցկի շրջանում ռուսական հարձակման հետևանքով տղամարդ է մահացել։ Վնասվել է բնակելի շենք և մեքենա, հրդեհ է բռնկվել առևտրի կենտրոնում։ Նովգորոդ-Սիվերսկի շրջանում հրդեհ է բռնկվել բնակելի շենքի տանիքում։
Դնեպրոպետրովսկի մարզ – Դնեպրոպետրովսկի տարածաշրջանային ռազմական վարչակազմի ղեկավար Ալեքսանդր Գանժան հայտնել է, որ Նիկոպոլի շրջանում վնասվել են հինգ հարկանի շենք և գյուղատնտեսական ձեռնարկություն, Կամենսկի շրջանի ֆերմայում հրդեհ է բռնկվել, իսկ Կրիվոյ Ռոգում վնասվել են ենթակառուցվածքներ, որի հետևանքով վիրավորվել է 53-ամյա մի տղամարդ։ Նա հոսպիտալացվել է միջին ծանրության վիճակում։
Թարգմանությունը՝ Էմմա Չոբանյանի