Քենիացի վազորդ Էմանուել Վանյոնին համաշխարհային ռեկորդ է սահմանել 1000 մետրում, հաղորդում է BBC-ն։
Մոնակոյում կայացած Ադամանդե լիգայում 21-ամյա մարզիկը տարածությունը հաղթահարել է 2 րոպե 11,83 վայրկյանում։
Նախորդ ռեկորդը 1999 թվականի սեպտեմբերին սահմանել էր քենիացի վազորդ Նոա Նգենին, որը 1000 մետրում գրանցել էր 2.11,96 արդյունքը։
Հարկ է նշել, որ 1000 մետր մրցատարածությունն ընդգրկված չէ ոչ Օլիմպիական խաղերի, ոչ էլ աշխարհի առաջնությունների ծրագրում։
Էմանուել Վանյոնին օլիմպիական ոսկե մեդալակիր ու աշխարհի չեմպիոն է 800 մետր վազքում։