Հայ պատանի շախմատիստների արդյունքները արագ շախմատի ԵԱ-ում

Լեհաստանի Ժեշուվ քաղաքում ավարտվեց արագ շախմատի Եվրոպայի պատանիների և աղջիկների առաջնությունը։

Հայաստանի 4 ներկայացուցիչներ տեղ են զբաղեցրել լավագույն տասնյակում, հաղորդում է ՀՇՖ-ի մամուլի ծառայությունը։

Սոֆիա Բաղրամյանը 9 հնարավորից վաստակեց 7.5 միավոր և դարձավ մինչև 10 տարեկան աղջիկների փոխչեմպիոն:

ՖԻԴԵ-ի վարպետ Վաչե Հովակիմյանը վաստակեց 7 միավոր և բաժանեց 1-4-րդ տեղերը մինչև 18 տարեկան պատանիների առաջնությունում: Լրացուցիչ ցուցանիշներով Վաչեն զբաղեցրեց 4-րդ տեղը:

ՖԻԴԵ-ի վարպետ Մանվել Առաքելյանը վաստակեց 7 միավոր և բաժանեց 2-5-րդ տեղերը մինչև 16 տարեկան պատանիների առաջնությունում: Լրացուցիչ ցուցանիշներով Մանվելը զբաղեցրեց 4-րդ տեղը:

Մանվել Վարդանյանը վաստակեց 7 միավոր և բաժանեց 2-7-րդ տեղերը մինչև 10 տարեկան պատանիների առաջնությունում: Լրացուցիչ ցուցանիշներով Մանվելը զբաղեցրեց 5-րդ տեղը:

Հայաստանը ներկայացնող բոլոր շախմատիստների արդյունքները՝

Սոֆիա Բաղրամյան՝ 7.5 միավոր (Ա10)

Վաչե Հովակիմյան՝ 7 միավոր (Մ18)

Մանվել Առաքելյան՝ 7 միավոր (Մ16)

Մանվել Վարդանյան՝ 7 միավոր (Մ10)

Ալեքսանդր Հակոբյան՝ 6.5 միավոր (Մ12)

Հակոբ Պետրոսյան՝ 6 միավոր (Մ10)

Համլետ Սահակյան՝ 5.5 միավոր (Մ16)

Դավիթ Սարգսյան՝ 5.5 միավոր (Մ10)

Վազգեն Կարախանյան՝ 5 միավոր (Մ16)

Սմբատ Հարությունյան՝ 5 միավոր (Մ12)

Ռոզի Անանյան՝ 5 միավոր (Ա14)

Անրի Հայրապետյան՝ 4.5 միավոր (Մ14)

Լիլիթ Հակոբյան՝ 4.5 միավոր (Ա12)

Ալեքսանդր Գիչունց՝ 4 միավոր (Մ8)

Ծովինար Եղոյան՝ 3 միավոր (Ա18)

Հուլիսի 9-ին կմեկնարկի կայծակնային շախմատի առաջնությունը, որը կանցկացվի 18 խաղափուլով: