ԱՄՆ-ն հարվածներ է հասցրել Իրանին, Թեհրանն էլ պատասխանել է։
Հարձակում է իրականացվել Չաբահարի Իմամ Ալիի ռազմաբազայի վրա, պայթյուններ են որոտացել Բուշերում։
Չաբահարում և Քոնարեկում մոտ 10 պայթյուն է գրանցվել։ Երկու պայթյուն է տեղի ունեցել իրանական Աբու Մուսա կղզում։
Չաբահարի երկու նավահանգիստն ու ծովային երթևեկության կառավարման մի աշտարակ դարձել են ամերիկյան հարձակումների թիրախ, էլեկտրաէներգիայի անջատում է տեղի ունեցել։ ԱՄՆ-ն հարձակվել է նաև իրանական ռադարների և ՀՕՊ միջոցների վրա։
Իրանը հրթիռային հարվածներ է հասցրել Քուվեյթում և Բահրեյնում ամերիկյան ռազմական օբյեկտներին՝ ի պատասխան ԱՄՆ-ի հարձակման: