Քաղաքականություն
07.07.2026 | 15:48
ԱՄՆ նախագահ Դոնալդ Թրամփը ժամանել է Անկարա՝ մասնակցելու ՆԱՏՕ-ի անդամ պետությունների և կառավարությունների ղեկավարների 36-րդ գագաթնաժողովին։ Նա նաև երկկողմ հանդիպում է անցկացնելու Թուրքիայի նախագահ Ռեջեփ Թայիփ Էրդողանի հետ։ Այս մասին հայտնում են թուրքական լրատվամիջոցները։
Անկարայի օդանավակայում ԱՄՆ նախագահին դիմավորել է Էրդողանը։
Հաղորդվում է, որ Թրամփի հետ միասին Անկարա են ժամանել ԱՄՆ պետքարտուղար Մարկո Ռուբիոն, ֆինանսների նախարար Սքոթ Բեսենթը, պատերազմի նախարար Փիթ Հեգսեթը, Սպիտակ տան աշխատակազմի ղեկավարի տեղակալներ Դեն Սկավինոն և Սթիվեն Միլլերը, ինչպես նաև հաղորդակցության բաժնի տնօրեն Սթիվեն Չունգը։
Անկարայում կայանալիք հանդիպման ժամանակ Թրամփն ու Էրդողանը կքննարկեն երկկողմ օրակարգի հարցեր։ Զրույցի ընթացքում կքննարկվեն Թուրքիա-ԱՄՆ հարաբերությունները «բոլոր ոլորտներում, այդ թվում՝ պաշտպանության, առևտրի և ներդրումների», ասել է Թուրքիայի նախագահականի հաղորդակցության տնօրեն Բուրհանեթթին Դուրանը։ Նա հավելել է, որ քննարկումները կանդրադառնան նաև առկա կապերը խորացնելու համար ձեռնարկվող քայլերին։
Երեքշաբթի Թրամփը նաև կմասնակցի ՆԱՏՕ-ի առաջնորդների ընթրիքին։
Սպիտակ տունը հայտնել է, որ չորեքշաբթի Թրամփը կմասնակցի պաշտոնական դիմավորման արարողությանը և համատեղ լուսանկարին, որին կհաջորդի ՆԱՏՕ-ի առաջնորդների աշխատանքային նիստը։
Բացի այդ, նա երկկողմ հանդիպումներ կունենա Ուկրաինայի նախագահ Վլադիմիր Զելենսկիի և Սիրիայի նախագահ Ահմադ ալ-Շարաայի հետ։
Թարգմանությունը՝ Էմմա Չոբանյանի