Բրազիլիայի արտաքին գործերի նախարարությունը հայտարարել է, որ ԱՄՆ-ի որոշումները կարող են իրավական և անվտանգության ռիսկեր ստեղծել, այդ թվում՝ տեսականորեն նաև ռազմական միջամտության վտանգ։
Բրազիլիայի արտաքին գործերի նախարարությունը պատասխանել է երկրի Պատգամավորների պալատի հարցմանը՝ կապված ԱՄՆ-ի որոշման հետ՝ հանցավոր PCC և CV խմբավորումներին ահաբեկչական կազմակերպություններ ճանաչելու վերաբերյալ։
Գերատեսչության հայտարարության մեջ նշվում է, որ նման միջոցները կարող են կիրառվել լայն հայեցողությամբ՝ հաշվի առնելով ԱՄՆ-ի հակաահաբեկչական օրենսդրության ձևակերպումների լայն մեկնաբանման հնարավորությունը։
«Սա կարող է լուրջ ռիսկեր ստեղծել Բրազիլիայի քաղաքացիների համար՝ ֆինանսական, միգրացիոն և քրեական իրավունքի ոլորտներում։ Բացի այդ, գոյություն ունի ԱՄՆ-ի կողմից Բրազիլիայի տարածքում ռազմական ուժի կիրառման հավանականություն», — ասվում է նախարարության հայտարարության մեջ։