ՔԿ-ն պայմանագրային զինծառայողի կրակոցների դեպքով քրվարույթ է նախաձեռնել
Վանաձորում պայմանագրային զինծառայողի կողմից արձակած կրակոցների դեպքի առնչությամբ Քննչական կոմիտեն քրեական վարույթ է նախաձեռնել: Այս մասին հայտնել է ՔԿ խոսնակ Կիմա Ավդալյանը։
«Պայմանագրային զինծառայողը Վանաձորի ամայի տարածքում, համոզված լինելով, որ մոտակայքում քաղաքացիներ չկան, իրեն պատկանող, նախնական տվյալներով՝ օդաճնշիչ ատրճանակով, որը լիցքավորված է եղել մանր գնդիկներով, մի քանի անգամ կրակել է գետնին:
Այդ ընթացքում նրան է մոտեցել տարածքում շրջիկ ծառայություն իրականացնող ոստիկանը, ում զինծառայողն ինքնակամ ներկայացրել է ձեռքին եղած օդաճնշիչ ատրճանակը և հայտնել, որ այն պատկանում է իրեն: Նախաձեռնվել է քրեական վարույթ՝ դեպքի հանգամանքները պարզելու ուղղությամբ:
Որպես դեպքի վայր ներկայացվում են լուսանկարներ, որոնք իրականությանը չեն համապատասխանում»,- հայտնել է նա: