Իրանի հոգևոր առաջնորդ Մոջթաբա Խամենեին հայտարարել է, որ ԱՄՆ նախագահ Դոնալդ Թրամփի և Իսրայելի վարչապետ Բենիամին Նեթանյահուի հրապարակային հայտարարությունները, իր գնահատմամբ, փաստացի ընդունում են Իրանի դեմ կատարված հանցագործությունները։
«Այն, որ նրանք հպարտանում են այս հարձակումներով, համարվում է հանցագործության ընդունում և հիմք է ստեղծում իրանցի ժողովրդի խախտված իրավունքների վերականգնման համար պայքարի», – հայտարարել է Մոջթաբա Խամենեին։
Նրա խոսքով՝ շարունակվում է, այսպես կոչված, «40-օրյա պատերազմի» ընթացքում իրականացված հարձակումների քննությունը, ինչպես նաև պատճառված վնասների գնահատումը։
«Այս քայլը կկանխի նմանատիպ հանցագործությունների կրկնությունը», – ընդգծել է Իրանի հոգևոր առաջնորդը։