Սահմանադրական դատարանում շարունակվում է ԱԺ ընտրության արդյունքները վիճարկող դիմումների քննարկումը: Որպես պատասխանող՝ ԿԸՀ նախագահը Սահմանադրական դատարանին խնդրել է մերժել ընտրության արդյունքերը վիճարկող դիմումները՝ ուժի մեջ թողնելով հանձնաժողովի որոշումը: Վահագն Հովակիմյանը հիմնավորել է, որ 2005 ընտրական տեղամասերից 637-ում՝ կամ 32 տոկոսում իրականցվել է վերահաշվարկ, մեծ մասը ԿԸՀ հանձնարարականով՝ նպատակ ունենալով փարատել բոլոր կասկածները:
Դիմումատուները բարձր դատարանին միջնորդել են այս փուլում կասեցնել գործի քննությունը, ինչը մերժվել է: Միջնորդել են նաև քննարկել Ընտրական օրենսգրքի որոշ դրույթների սահմանադրության համապատասխանությունը, ստուգել քվեարկության ծրարների թափանցիկությունը՝ հենց քվեաթերթիկների միջոցով, նաև Քաղաքացիական պայմանագիրը գրավոր ներկայացնի նախընտրական քարոզչության ծախսերը, պատասխանողին հարցաքննել որպես վկա:
Հեղինակ՝ Քրիստինե Թորոսյան
Դիտումների քանակ8