ԵՐԵՎԱՆ, ՀՈՒՆԻՍԻ 23, 24News
ՌԴ նախագահ Վլադիմիր Պուտինը Կրեմլում պարգևատրել է Ռուսաստանի Դաշնության Անվտանգության դաշնային ծառայության նախագահական գնդին Ժուկովի շքանշանով։
Հանդիսավոր արարողությունը տեղի է ունեցել Մոսկվայի Կրեմլի Մեծ պալատի Գեորգիևյան սրահում։ Այս տարի գունդը նշել է իր 90-ամյակը։
Հենց Նախագահական գնդին է վստահված Կրեմլի պաշտպանությունը և Հավերժական կրակի մոտ ծառայությունը։
ՌԴ ղեկավարը շնորհակալություն է հայտնել «կրեմլյան զինվորներին» ծառայության, վճռականության, երդմանը և ժողովրդին հավատարիմ լինելու համար։
«Հենց ձեզ է վստահված Ռուսաստանի սրտի պաշտպանությունը»,- ասել է ՌԴ նախագահ Վլադիմիր Պուտինը։
Տեսանյութը՝ հղմամբ։