ՀՀ թենիսի տղամարդկանց հավաքականն արդեն 3-րդ հաղթանակն է տոնում Դևիսի գավաթում

Բաժանորդագրվել

Նախորդ տուրերում Հայաստանի ընտրանին պարտության էր մատնել Անդորրայի և Սան Մարինոյի հավաքականներին, դեռ մրցելու են Մալթայի և Ալբանիայի հավաքականների հետ։

ԵՐԵՎԱՆ, 18 հունիսի – Sputnik. Թենիսի Հայաստանի տղամարդկանց հավաքականը Դևիսի գավաթի խաղարկության Եվրոպական գոտու 4-րդ ենթախմբի 3-րդ տուրում 2։1 հաշվով հաղթել է Իսլանդիայի հավաքականին։ Այս մասին տեղեկանում ենք Հայաստանի թենիսի ֆեդերացիայից։

Նշենք, որ գավաթի խաղարկությունն ընթանում է Ծաղկաձորի գլխավոր մարզահամալիրում, հունիսի 16-20-ը։ Հայաստանի հավաքականի մրցակիցներն են Անդորրայի, Սան Մարինոյի, Մալթայի, Ալբանիայի և Իսլանդիայի հավաքականները:

«Հայաստանի թիմի կազմում մենախաղում հաղթանակ տարավ Դավիթ Պողոսյանը, Միքայել Ավանեսյանը զիջեց մրցակցին, իսկ զուգախաղում առավելության հասան Սամվել Աղայանն ու Դավիթ Պողոսյանը»,– ասված է հաղորդագրությունում։

Հիշեցնենք, որ նախորդ տուրերում մեր ընտրանին պարտության էր մատնել Անդորրայի (3:0) և Սան Մարինոյի (2:1) հավաքականներին:

Դավիթ Պողոսյանը մենախաղում կրկին հաղթել էր, իսկ Ավետիք Ղազարյանը վնասվածքի պատճառով՝ պարտվել։ Զուգախաղում թիմին հաղթանակ էին բերել Սամվել Աղայանն ու Միքայել Ավանեսյանը։

Leave a comment