Քննարկվել են նաև երկու երկրների միջև նոր ավիաընկերությունների հետ համագործակցության հնարավորություններին վերաբերող հարցեր
ԵՐԵՎԱՆ, 6 փետրվարի․/ԱՌԿԱ/․ ՀՀ ՏԿԵ նախարարի տեղակալ Արմեն Սիմոնյանն այսօր ընդունել է ՀՀ-ում Ղազախստանի Հանրապետության արտակարգ և լիազոր դեսպան Բոլատ Իմանբաևի գլխավորած պատվիրակությանը։
Հանդիպման ընթացքում քննարկվել են երկու երկրների միջև ուղիղ չվերթերի վերականգնման և նոր ավիաընկերությունների հետ համագործակցության հնարավորություններին վերաբերող հարցեր։
Այս մասին հայտնում են ՏԿԵ նախարարությունից։
Սիմոնյանը կարևորել է երկու երկրների միջև խորացող գործընկերային կապերը։
Կողմերը քննարկել են երկկողմ հետաքրքրություն ներկայացնող այլ հարցեր ևս և պայմանավորվել շարունակել քննարկումները։