https://arm.sputniknews.ru/20260612/azati-hrdehi-gvortsvov-meghadrjal-kapitany-evs-3-amis-kmna-kalanqi-tak-103447519.html
Ազատի հրդեհի գործով մեղադրյալ կապիտանը ևս 3 ամիս կմնա կալանքի տակ
Ազատի հրդեհի գործով մեղադրյալ կապիտանը ևս 3 ամիս կմնա կալանքի տակ
Sputnik Արմենիա
Ըստ պաշտոնական վարկածի` հենց նա է փորձել բենզինով թեժացնել կացարանի վառարանը։ 12.06.2026, Sputnik Արմենիա
2026-06-12T17:08+0400
2026-06-12T17:08+0400
2026-06-12T17:08+0400
հայաստան
ազատ գյուղ
զինծառայող
մահ
դատարան
https://cdn.am.sputniknews.ru/img/07e7/01/13/54035935_0:241:1600:1141_1920x0_80_0_0_f587ce298f650a6880c8b6c97e8c918c.jpg.webp
ԵՐԵՎԱՆ, 12 հունիսի – Sputnik. Գեղարքունիքի մարզի Ազատ գյուղի զինվորական կացարանի հրդեհի գործով մեղադրյալ կապիտան Եղիշե Հակոբյանի կալանքի ժամկետը երկարաձգվեց ևս 3 ամսով։ Այսօր նման որոշում կայացրեց Գեղարքունիքի մարզի առաջին ատյանի ընդհանուր իրավասության դատարանի դատավոր Վարդան Հարությունյանը։Նշենք, որ Եղիշե Հակոբյանը համարվում է առանցքային մեղադրյալներից մեկը։ Ըստ պաշտոնական վարկածի` հենց նա է փորձել բենզինով թեժացնել կացարանի վառարանը, ինչի պատճառով բռնկված հրդեհից զինծառայողներ էին մահացել։Հիշեցնենք` 2023–ի հունվարի 19-ին՝ ժամը 01:30-ի սահմաններում, հրդեհ էր բռնկվել Գեղարքունիքի մարզի Ազատ գյուղի տարածքում տեղակայված ՀՀ ՊՆ N զորամասի ինժեներասակրավորային վաշտի կացարանում: Հրդեհի հետևանքով զոհվել էին 15, վնասվածքներ ստացել` 7 զինծառայող։Դեպքից անմիջապես հետո պաշտոններից ազատվեցին 2-րդ բանակային կորպուսի հրամանատարն ու այլ բարձրաստիճան զինվորականներ։ Քրեական վարույթ նախաձեռնվեց ՀՀ քրեական օրենսգրքի 532-րդ հոդվածի 4-րդ մասի հատկանիշներով (զենքի, ռազմամթերքի, ռազմական տեխնիկայի կամ ռազմական այլ գույքի, շրջապատի համար առավել վտանգ ներկայացնող նյութերի, սարքերի կամ առարկաների հետ վարվելու կանոնները խախտելը, որն անզգուշությամբ առաջացրել է երկու կամ ավելի անձանց մահ)։ Քրեական վարույթ նախաձեռնվեց նաև պաշտոնատար անձանց կողմից հրդեհային անվտանգության սահմանված կանոնները չպահպանելու, դրա հետ կապված գործառույթները կատարելու հարցում առերևույթ անփութություն դրսևորելու փաստի առթիվ։
ազատ գյուղ
2026
Լուրեր
am_HY
https://cdn.am.sputniknews.ru/img/07e7/01/13/54035935_0:0:1600:1200_1920x0_80_0_0_e414925d6529a32a0e3da220b9d53ab9.jpg.webp
հայաստան, ազատ գյուղ, զինծառայող, մահ, դատարան
հայաստան, ազատ գյուղ, զինծառայող, մահ, դատարան
Ըստ պաշտոնական վարկածի` հենց նա է փորձել բենզինով թեժացնել կացարանի վառարանը։
ԵՐԵՎԱՆ, 12 հունիսի – Sputnik. Գեղարքունիքի մարզի Ազատ գյուղի զինվորական կացարանի հրդեհի գործով մեղադրյալ կապիտան Եղիշե Հակոբյանի կալանքի ժամկետը երկարաձգվեց ևս 3 ամսով։ Այսօր նման որոշում կայացրեց Գեղարքունիքի մարզի առաջին ատյանի ընդհանուր իրավասության դատարանի դատավոր Վարդան Հարությունյանը։
Նշենք, որ Եղիշե Հակոբյանը համարվում է առանցքային մեղադրյալներից մեկը։ Ըստ պաշտոնական վարկածի` հենց նա է փորձել բենզինով թեժացնել կացարանի վառարանը, ինչի պատճառով բռնկված հրդեհից զինծառայողներ էին մահացել։
Դեպքից անմիջապես հետո պաշտոններից ազատվեցին 2-րդ բանակային կորպուսի հրամանատարն ու այլ բարձրաստիճան զինվորականներ։ Քրեական վարույթ նախաձեռնվեց ՀՀ քրեական օրենսգրքի 532-րդ հոդվածի 4-րդ մասի հատկանիշներով (զենքի, ռազմամթերքի, ռազմական տեխնիկայի կամ ռազմական այլ գույքի, շրջապատի համար առավել վտանգ ներկայացնող նյութերի, սարքերի կամ առարկաների հետ վարվելու կանոնները խախտելը, որն անզգուշությամբ առաջացրել է երկու կամ ավելի անձանց մահ)։ Քրեական վարույթ նախաձեռնվեց նաև պաշտոնատար անձանց կողմից հրդեհային անվտանգության սահմանված կանոնները չպահպանելու, դրա հետ կապված գործառույթները կատարելու հարցում առերևույթ անփութություն դրսևորելու փաստի առթիվ։