Յեմենի ափերի մոտ տեղի է ունեցել զինված միջադեպ՝ բեռնատար նավի մասնակցությամբ։
Մեծ Բրիտանիայի ծովային առևտրային գործողությունների վարչությունը (UKMTO) հայտնել է, որ միջադեպը գրանցվել է Յեմենի Բալհաֆ քաղաքից մոտ 88 ծովային մղոն հարավ-արևմուտք։
Ըստ հաղորդագրության՝ բեռնատար նավին մոտեցել է փոքր նավակ, որի վրա գտնվել են վեց զինված անձինք։ Նավակի անձնակազմի և առևտրային նավի զինված անվտանգության աշխատակիցների միջև տեղի է ունեցել փոխհրաձգություն։
Կրակի փոխանակումից հետո հարձակվողները նահանջել են և հեռացել միջադեպի վայրից։ Նախնական տվյալներով՝ նավի անձնակազմի կամ բեռնատար նավի վնասների մասին տեղեկություններ չեն հաղորդվել։