Ռոբերտ Քոչարյանի գլխավորած «Հայաստան» դաշինքը դիմելու է ՍԴ՝ բողոքարկելու ընտրությունների արդյունքները. հայտնել է ՀՅԴ ԳՄ ներկայացուցիչ, «Հայաստան» դաշինքի նախընտրական շտաբի ղեկավար Իշխան Սաղաթելյանը։
«Հասկանալով՝ ովքեր են նստած ՍԴ-ում, հասկանալով նրանց կաշկանդվածությունն ու իշխանության կցորդ լինելու հանգամանքը՝ այս ամենով հանդերձ, ծանրակշիռ փաստերով մտնելու ենք ՍԴ ընտրությունների արդյունքները հրապարակելուց, վերջնահաշվարկն ավարտելուց հետո։ Թե ինչ հիմնավորումներով, ինչ իրավական հիմքերով, ինչ ծավալով. բավական մեծ փաթեթ է պատրաստվում», — ասել է նա։