Իշխանությունը փորձում է ընտրությունները զրկել ժողովրդավարական լեգիտիմությունից․ Թաթոյան
«Ժողովրդավարության նկատմամբ ոտնձգություն, այն էլ ընտրություններից 2 օր առաջ․ այսօր՝ ազգային ընտրություններից ընդամենը երկու օր առաջ «Ուժեղ Հայաստան» կուսակցությունների դաշինքին ընտրություններին մասնակցելու հնարավորությունից զրկելու որոշումը լինելու է՝
• անօրինական.
• հակասահմանադրական.
• և ոտնձգություն ժողովրդավարության դեմ։
Այս քայլը նշանակում է, որ իշխանությունը փորձում է ընտրությունները զրկել ժողովրդավարական լիարժեք լեգիտիմությունից։ Նիկոլ Փաշինյանին ուզում եմ ասել հետևյալը.
Չենք թույլ տալու, որ Հայաստանը վերածվի Էրդողանի Թուրքիայի ու Ալիևի Ադրբեջանի նման երկրի։ Դուք պատերազմ եք հայտարարել ոչ թե մեկ քաղաքական ուժի, այլ մեր ժողովրդավարական համակարգին և մեր ժողովրդին։
Իմ ուղերձը մեր ժողովրդին. հունիսի 7-ին մեծ թվով մասնակցեք ընտրություններին և ձեր քվեով պատասխան տվեք Նիկոլ Փաշինյանին ու նրա իշխանությանը։ Քվեարկեք այն թեկնածուի կամ քաղաքական ուժի օգտին, որին վստահում եք։
Ես կոչ եմ անում քվեարկել մեզ՝ թիվ 6-ի օգտին, քանի որ մենք առաջնորդելու ենք ժողովրդավարության, ազատությունների և իրավական պետության պաշտպանության պայքարը։ Կեցցե՛ Հայաստանի Հանրապետությունը»։