ԱՄՆ Կալիֆոռնիա նահանգի Ֆեյրֆիլդ քաղաքում դպրոցական ավարտական հանդեսի ժամանակ տեղի ունեցած հրաձգության հետևանքով մեկ մարդ է զոհվել, ևս երեքը՝ ստացել տարբեր աստիճանի հրազենային վնասվածքներ։ Այս մասին հայտնում է ամերիկյան CBS հեռուստաալիքը։
Լրատվամիջոցի փոխանցմամբ՝ կրակոցները հնչել են անմիջապես ավարտական երեկոյի հանդիսավոր արարողության ավարտից հետո, դպրոցի տարածքում։ Իրավապահ մարմինների փոխանցմամբ՝ զոհվածի և վիրավորների ինքնությունը, տարիքն ու սեռը դեռևս չեն հանրայնացվում՝ ելնելով նախաքննության շահերից և հարազատների իրազեկման գործընթացից։
Տեղի ոստիկանական ստորաբաժանումներն այս պահին իրականացնում են օպերատիվ-հետախուզական միջոցառումներ՝ ենթադրյալ հարձակվողին հայտնաբերելու ուղղությամբ։ Դեպքի բոլոր հանգամանքներն ու դրդապատճառները պարզվում են։