Ֆուտբոլի Հայաստանի հավաքականի ավագ Էդուարդ Սպերցյանը փոխել է խաղային համարն ազգային թիմում։
Ռուսական «Կրասնոդարի» կիսապաշտպանը հավաքականում հանդես կգա 10 համարի խաղաշապիկով, հաղորդում է ՀՖՖ մամուլի ծառայությունը։
Մինչև այս Էդուարդ Սպերցյանը Հայաստանի հավաքականում խաղում էր 8 համարի մարզաշապիկով։
Այս օրերին 25-ամյա կիսապաշտպանը Եղիշե Մելիքյանի գլխավորած թիմի կազմում պատրաստվում է Ղազախստանի (հունիսի 6) և Մոլդովայի (հունիսի 9) դեմ ընկերական խաղերին, որոնք կայանալու են Վազգեն Սարգսյանի անվան «Հանրապետական» մարզադաշտում։
Էդուարդ Սպերցյանը 2021 թվականից է խաղում Հայաստանի հավաքականում, որի կազմում անցկացրել է 40 հանդիպում ու դարձել 11 գոլի հեղինակ։