Իսրայելական պետական KAN News հեռուստաընկերության թղթակից Գիլի Քոհենի փոխանցմամբ՝ Իսրայելի բանակը հրաժարվել է Բեյրութի արվարձանների, մասնավորապես Դահիայի շրջանում լայնածավալ ռմբակոծություններ իրականացնելու ծրագրերից՝ ԱՄՆ ճնշման հետևանքով։
Քոհենի խոսքով՝ Վաշինգտոնը դեմ է Լիբանանում ռազմական գործողությունների նոր փուլին և մտավախություն ունի, որ նման սրացումը կարող է խափանել Իրանի հետ ընթացող խաղաղ բանակցությունները։
Նա նշել է, որ ԱՄՆ-ը մտահոգված է նաև Իրանի հնարավոր պատասխան գործողություններով՝ ուղղված Իսրայելի դեմ։
Միաժամանակ, ըստ KAN News-ի թղթակցի, ԱՄՆ նախագահ Դոնալդ Թրամփը «կորցնում է համբերությունը» իրանական կողմի նկատմամբ։
Չնայած Բեյրութի ուղղությամբ հարվածների ծրագրերից հրաժարվելուն՝ Իսրայելի բանակը, ըստ հաղորդման, պատրաստվում է ուժեղացնել ռմբակոծությունները Լիբանանի հարավային հատվածներում։