ԱՄՆ փոխնախագահ Ջ.Դ. Վենսը վրդովմունք է հայտնել ԱՄՆ-ի հանդեպ եվրոպացիների «երկիմաստ» վերաբերմունքի հետ կապված:
Լրագրող Մեգին Քելլիի հետ հարցազրույցում նա մեղադրել է եվրոպացի քաղաքական գործիչներին անձնական քննարկումներում բարյացակամ լինելու, բայց հրապարակայնորեն ամերիկացիների վրա հարձակվելու մեջ։
«Եվրոպացիները անձնական կյանքում շատ բարյացակամ են և պատրաստ են շատ զիջումների գնալ, իսկ հետո հրապարակայնորեն հարձակվում են մեզ վրա և ասում. «Մենք չենք համագործակցի ամերիկացիների հետ: Մենք ոչինչ չենք անելու ամերիկացիների հետ»: Կներեք: Սա անհեթեթություն է», – ասել է Վենսը։
Վենսը նաև խոսել է «նոր աշխարհակարգի» ի հայտ գալու մասին, որին ձգտում է նախագահ Դոնալդ Թրամփը: Սա ենթադրում է համաշխարհային առևտրի և ներդրումների կանոնների փոփոխություն, արտաքին մատակարարման շղթաներից կախվածությունից հրաժարում և ավանդական դաշինքների, մասնավորապես՝ ՆԱՏՕ-ի բարեփոխում: