14:27 24.05.2026 (Թարմացված է: 14:36 24.05.2026)
Բաժանորդագրվել
ԵՐԵՎԱՆ, 24 մայիսի – Sputnik. «Քաղաքացիական պայմանագիր» կուսակցության վարչապետի թեկնածու, արձակուրդում գտնվող վարչապետ Նիկոլ Փաշինյանը Շիրակի մարիզի Արթիկ քաղաքում քարոզորշավի ժամանակ կրկին սպառնաց ԲՀԿ առաջնորդին։
«Քանի Հայաստանը կա, Գագիկ Ծառուկյանից վերցնելու ենք բոլոր տները։ Մինչեւ 2031թ.–ը Գագիկ Ծառուկյանի սարի գլխի տունը պետք է ծերերի խնամքի կենտրոն դառնա, ինչպես շուտով դառնալու է նրա փեսայի տունը։ Ծառուկյանը, Կարապեիյանը, Ռոբերտը՝ ոնց երկու բոթասով սկսել են, երկու բոթասի էլ ես նրանց հասցնելու եմ ձեր աջակցությամբ»,– հայտարարեց Փաշինյանը։
Հիշեցնենք՝ մայիսի 20-ին էլ Փաշինյանը Լոռու մարզի Շնող համայնքում քարոզարշավի ժամանակ հայտարարեց, որ Արարատի ցեմենտի գործարանը պետականացվելու է։ Ժամեր անց դատախազությունը հաղորդագրություն տարածեց` 2001-02թթ–ին ցեմենտի գործարանի մասնավորեցման գործընթացում տեղ գտած չարաշահումների շուրջ կասկածների մասին։
ՀՀ-ում հերթական խորհրդարանական ընտրությունները կկայանան 2026 թվականի հունիսի 7-ին։ Ընտրություններին մասնակցելու հայտ է ներկայացրել 19 քաղաքական ուժ՝ 2 դաշինք և 17 կուսակցություն։ Մայիսի 8–ին մեկնարկել է պաշտոնական քարոզարշավը։ Այն կտևի մինչև հունիսի 5-ը ներառյալ։