Տնտեսությունն ու ֆինանսական ոլորտը լուսաբանող պրոֆեսիոնալ լրատվամիջոցները, ինչպիսին է «ԱՌԿԱ»-ն, կարևոր դեր են խաղում հասարակության ֆինանսական գրագիտության և իրազեկվածության բարձրացման գործում, հայտարարել է Հայաստանի բանկերի միության նախագահ Դանիել Ազատյանը՝ շնորհավորելով «ԱՌԿԱ» լրատվական գործակալությանը 30-ամյա հոբելյանի առթիվ
ԵՐԵՎԱՆ, 22 մայիսի․/ԱՌԿԱ/․ Տնտեսությունն ու ֆինանսական ոլորտը լուսաբանող պրոֆեսիոնալ լրատվամիջոցները, ինչպիսին է «ԱՌԿԱ»-ն, կարևոր դեր են խաղում հասարակության ֆինանսական գրագիտության և իրազեկվածության բարձրացման գործում։
Այս մասին հայտարարել է Հայաստանի բանկերի միության նախագահ Դանիել Ազատյանը՝ շնորհավորելով «ԱՌԿԱ» լրատվական գործակալությանը 30-ամյա հոբելյանի առթիվ։
«Չափազանց կարևոր է, որ լրատվական գործակալությունների լրագրողներն ու մասնագետները մշտապես գտնվեն ֆինանսական համակարգում տեղի ունեցող փոփոխությունների կենտրոնում, տեղեկացված լինեն նորություններին, փոփոխություններին և իրադարձությունների զարգացմանը», — ասել է Ազատյանը։
Նրա խոսքով՝ պրոֆեսիոնալ և գրագետ տեղեկատվության տարածումը ձեռնտու է բոլոր կողմերին՝ ինչպես բիզնեսին ու ֆինանսական համակարգին, այնպես էլ սպառողներին։
«Տեղեկատվության ճիշտ և որակյալ տարածումը ձեռնտու է բոլորին, հատկապես ընկերություններին և, իհարկե, սպառողներին։ Ցանկանում եմ հատուկ շնորհակալություն հայտնել բոլոր լրատվական ընկերություններին, որոնց հետ աշխատել ենք վերջին տարիներին, և շնորհակալություն հայտնել նաև «ԱՌԿԱ»-ին», – նշել է Բանկերի միության ղեկավարը։
«ԱՌԿԱ»–ի մասին
«ԱՌԿԱ» լրատվական գործակալությունը գործում է 1996 թվականի մայիսի 1-ից և հանդիսանում է Հայաստանի առաջատար գործարար լրատվամիջոցներից մեկը: Գործակալությունը մասնագիտացած է ֆինանսատնտեսական և քաղաքական տեղեկատվության ոլորտում, ինչպես նաև մշակում է վերլուծական և սերվիսային պրոդուկտներ պրոֆեսիոնալ լսարանի համար: Մեդիահոլդինգի կազմում են նաև ներառված Armbanks.am և Arkatelecom.am պորտալները:
Arka.am կայքը կայուն կերպով դասվում է երկրի ամենից շատ մեջբերվող տնտեսական աղբյուրների շարքին և ծառայում է որպես հուսալի տեղեկատվական հարթակ պրոֆեսիոնալ հանրության, ներդրողների և գործարար մեդիայի համար: