«Համահայկական ճակատ»-ի Ժողովրդական աշխարհազորի անդամ, ԶՈւ պահեստազորի սպա Արթուր Հովհաննիսյանի կոչը` մարտական ընկերներին.
«Հարգելի զինվորական համազգեստ կրող ընկերներ, գիտեմ՝ ձեզանից շատերը պատվով ու արժանապատվությամբ են կրում այդ համազգեստը։ Այո՛, վերջին տարիներին ավելացել են նաև նրանք, ովքեր ավելի շատ գնահատում են աշխատավարձն ու պաշտոնը, քան զինվորականի պատիվը։
Բայց մի մոռացեք ձեր երդումը.
«Երդվում եմ անձնվիրաբար ծառայել հայրենիքիս»։
Չուրանաք այդ խոսքերը։ Մենք մեր հողը շատ ենք սիրում, իսկ մեր հերոսները իրենց կյանքով ապացուցեցին դա։ Նրանք մարտնչեցին մինչև վերջ և պահեցին իրենց զինվորական երդումը։
Սիրելի մարտական ընկերներ, զինվեք համբերությամբ ու կամքով։ Մեր պայքարը դեռ ավարտված չէ»: