ԵՐԵՎԱՆ, ՄԱՅԻՍԻ 19, 24News
ԱՄՆ-ի փոխնախագահ Ջեյ դի Վենսը վստահություն է հայտնել, որ Իրանի կառավարությունը ցանկանում է համաձայնության գալ ամերիկյան կողմի հետ։ «Կարծում եմ՝ իրանցիները ցանկանում են համաձայնության գալ։
Բայց ես որևէ վստահությամբ չեմ ասի, որ մենք համաձայնության կհասնենք, մինչև այստեղ իրականում չստորագրենք բանակցային համաձայնագիր», – ասել է նա Սպիտակ տանը կայացած ճեպազրույցի ժամանակ:
Վաշինգտոնը չի ցանկանում, որ հարստացված ուրանը Իրանից տեղափոխվի Ռուսաստան. դա ԱՄՆ ներկայիս ծրագիրը չէ, իր հերթին հայտարարել է ԱՄՆ փոխնախագահ Վենսը:
Նա նաև նշել է, որ Իրանի հետ բանակցությունները լավ փուլում են, բայց հնարավոր է նաև ռազմական տարբերակ, չնայած ԱՄՆ-ն դա չի ցանկանում։