Արդարադատության նախարար Սրբուհի Գալյանը այսօր ասուլիսի ժամանակ հայտնեց, որ Սահմանադրության տեքստը պատրաստ կլինի այս տարվա մարտ ամսին։ Նրա խոսքով՝ արդեն պետք է սկսել իրազեկման արշավը, որովհետև կան բազմաթիվ հարցեր, որոնք քննարկվել և ընդունվել են խորհրդի կողմից, և կարիք կա հանրության հետ հարցերը կոմունիկացնելու։
«Սահմանադրությունն այլ կերպ, քան հանրաքվեն է, ուղղակի ընդունվել չի կարող, այսինքն՝ վերջնական խոսքը պատկանում է ժողովրդին, և ժողովուրդն ազատ ընտրությունների միջոցով հնարավորություն է ունենալու արտահայտել կամքը՝ կողմ կամ դեմ քվեարկելով Սահմանադրության տեքստի ընդունմանը»,- ասաց նախարարը։