Մասկը Թրամփի հետ կմեկնի Չինաստան

Այս շաբաթ ԱՄՆ նախագահ Դոնալդ Թրամփի հետ Չինաստան կմեկնեն տեխնոլոգիական ոլորտի մի շարք առաջատար ղեկավարներ։

Ինչպես գրում է BBC-ն, նախագահին պաշտոնական այցի շրջանակում կմիանան Apple-ի ղեկավար Թիմ Քուքը, Tesla-ի և SpaceX-ի ղեկավար Իլոն Մասկը, BlackRock-ի գլխավոր Լարի Ֆինկը, նաև Meta-ի, Visa-ի, JP Morgan-ի, Boeing-ի, Cargill-ի և այլ ընկերությունների ղեկավարներ։

Ընդհանուր առմամբ, Թրամփի հետ Չինաստան կմեկնի ամերիկյան բիզնեսի 17 ներկայացուցիչ։

 

Հիշեցնենք՝ Թրամփը Չինաստան կայցելի մայիսի 13-15-ը։

Սա կդառնա ԱՄՆ գործող նախագահի առաջին ուղևորությունը Չինաստան 2017 թվականից ի վեր։