ՌԴ նախագահի օգնական Յուրի Ուշակովը հույս է հայտնել, որ ԱՄՆ նախագահ Դոնալդ Թրամփը «կարգի կհրավիրի» ուկրաինական կողմին հրադադարի պահպանման հարցում։ Այս մասին նա հայտնել է լրագրողներին, հաղորդել է ՏԱՍՍ-ը։
«Հույս ունեմ, որ Թրամփը կարգի կհրավիրի ուկրաինական կողմին», – ասել է Կրեմլի ներկայացուցիչը։
Ուշակովի խոսքով՝ ԱՄՆ նախագահի հույսը, թե մայիսի 9-11-ի հրադադարն ավելի երկար կտևի, չի հիմնավորվում իրական իրավիճակով և բախվում է Կիևի ռեժիմի՝ հրադադարի ռեժիմը չխախտելու անկարողությանը։
«Այո, հիմնավորված չէ [Թրամփի հույսը հրադադարի երկարաձգման վերաբերյալ], ես կասեի, – նշել է դիվանագետը։ – Բայց մարդը հույս ունի, գուցե հավատում է, ինչո՞ւ ոչ, և նպաստում է դրան»։
«Բայց դա արդեն կախված է ոչ միայն նրանից, այլև մյուս երկու կողմերից», – եզրափակել է Ուշակովը։
դիտվել է 30 անգամ