Երևանի քաղաքապետարանի հերթական գործակարգավարական խորհրդակցության ժամանակ քաղաքապետ Տիգրան Ավինյանը հայտնեց, որ Կառավարության աջակցությամբ գնված 45 նոր տրոլեյբուսներից 22-ն արդեն մայրաքաղաքում են:
«22-ը արդեն Երևան քաղաքում են, մեր տրոլեյբուսային պարկում են, մնացածը շուտով կլինեն նաև Երևանում»,- ասաց քաղաքապետը:
Ակնկալվում է նոր շարժակազմը երթուղի հանել մինչև ամսվա վերջ: Ավինյանն ընդգծեց, որ նոր տրոլեյբուսների շահագործմանը զուգահեռ, Երևանի փողոցներում այլևս որևէ հին տրոլեյբուս չպետք է լինի:
Տրանսպորտի ոլորտի վերաբերյալ զեկուցվեց, որ այս պահին քաղաքային պարկում կա 72 անսարք ավտոբուս (3 MAN, 35 Zhong Tong, 18 Higer և 16 միկրոավտոբուս), որոնք գտնվում են սպասարկման փուլում:
Մանրամասները՝ տեսանյութում։