«Դիմացե՛ք, Կարապետյան Սամվելը գալիս է». ի՞նչ է ասել «Աստղիկ» բժշկական կենտրոնի գլխավոր բժիշկը իր աշխատակիցներին

Հայտնի է, որ Նիկոլ Փաշինյանի նախընտրական հիմնական նախաձեռնություններից մեկը՝ պարտադիր բժշկական ապահովագրությունը, լուրջ խնդիրներ է առաջացրել հիվանդանոցներում, պոլիկլինիկաներում և դեղատներում։

Համակարգը պատրաստ չի եղել ո՛չ «բոնուսային» աշխատավարձային մեխանիզմի ներդրմանը, ո՛չ էլ հիվանդների նման մեծ հոսքին։ Հունվար–մարտ ամիսներին բազմաթիվ բժիշկներ աշխատել են առանց աշխատավարձի կամ չեն ստացել անգամ իրենց ֆիքսված վարձատրությունը։ Միաժամանակ նրանց պարտադրել են ամբողջությամբ թվայնացնել իրենց աշխատանքը՝ Առողջապահության նախարարությունից ֆինանսավորում ստանալու նպատակով։

Արդյունքում ստեղծվել է իրավիճակ, երբ բժիշկների աշխատավարձերը պետք է զգալիորեն բարձրանային, սակայն նախարարությունը պատրաստ չի եղել նման բեռի։ Խնդիրներ են առաջացել նաև դեղատոմսերի մեծ ծավալի պատճառով, քանի որ դեղերի բավարար պաշարներ չեն եղել։ Բժիշկներին նաև ստիպել են ջնջել իրենց աշխատանքի մասին վկայող թվային տվյալները։

Այս իրավիճակում բազմաթիվ փորձառու բժիշկներ սպառնացել են աշխատանքից ազատման դիմում ներկայացնել։ «Աստղիկ» ԲԿ-ի բժիշկները նույնպես բացառություն չեն եղել։

«Հայելի» մամուլի ակումբը տեղեկացել է, որ կենտրոնի գլխավոր բժիշկը դիմել է իր աշխատակիցներին՝ խնդրելով ևս մեկ ամիս համբերել՝ նշելով․ «Կարապետյան Սամվելը գալիս է, տեսնենք ինչ կանի»։

Ըստ նույն աղբյուրի՝ գլխավոր բժիշկը բառացիորեն փոխանցել է Սամվել Ալեքսանյանի (մականունը՝ «Կրծկալ Սամո» կամ «Թոււրքի Լֆիկ») խոսքերը, ով, ըստ տեղեկությունների, այդպես է արձագանքել ֆինանսավորման ապահովման խնդրանքին։