ԱԺ անկախ պատգամավոր Հովիկ Աղազարյանի ՄԱՍԿ կուսակցությունը չի մասնակցի խորհրդարանական ընտրություններին։
«ՄԱՍԿ-ի վարչությունը հաշվի առնելով վերջին քաղաքական զարգացումները արտահերթ նիստում վերանայեց 2026 թվականի հունիսի 7-ին կայանալիք ԱԺ ընտրություններին կուսակցության մասնակցության հարցը։
Որոշում կայացվեց չմասնակցել ընտրություններին։
Որոշում կայացնելու համար ամենակարևոր դրդապատճառը ընդդիմադիր դաշտի ձայների փոշիացմանը չնպաստելն է։
Միևնույն ժամանակ ՄԱՍԿ-ը շարունակելու է գործադրել իր համեստ ջանքերը ընդդիմադիր դաշտը մեկ միասնական ճակատում համախմբելու համար»,- ասված է հայտարարության մեջ։
Հիշեցնենք, որ ավելի վաղ Աղազարյանի կուսակցությունը հրապարակել էր իր նախընտրական ցուցակի առաջին տասնյակը.
- Ավագյան Օֆելյա
- Աղազարյան Հովիկ
- Ասլանյան Հակոբ
- Մելքոնյան Ռուբեն
- Մխիթարյան Լյովա
- Մարտոյան Նաիրա
- Աղազարյան Իվան
- Մուրադյան Արթուր
- Մովսիսյան Մարիամ
- Հովհաննիսյան Սարգիս