https://arm.sputniknews.ru/20260417/hhn-partvum-e-fejqeri-dem-paterazmum-ruben-pashinjany-nvor-nakhagtsi-masin-101086818.html
ՀՀ–ն պարտվում է ֆեյքերի դեմ պատերազմում․ Ռուբեն Փաշինյանը՝ նոր նախագծի մասին
ՀՀ–ն պարտվում է ֆեյքերի դեմ պատերազմում․ Ռուբեն Փաշինյանը՝ նոր նախագծի մասին
Sputnik Արմենիա
Պրոդյուսերը ոչ թե գովերգում է հայերին, այլ ցույց է տալիս այն, ինչ կա իրականում, ներկայացնում է Հայաստանի և Հայաստանից դուրս մշակութային ներուժը: 17.04.2026, Sputnik Արմենիա
2026-04-17T15:54+0400
2026-04-17T15:54+0400
2026-04-17T15:54+0400
հայաստան
ռուբեն փաշինյան
հայեր
հայրենական մեծ պատերազմ
https://cdn.am.sputniknews.ru/img/07ea/04/11/101086115_0:0:1920:1080_1920x0_80_0_0_72cb5793d427652cdd8c233028f2c2eb.jpg.webp
ԵՐԵՎԱՆ, 17 ապրիլի – Sputnik. Մայիսի 23-ին Ռուսաստանի հայերի միության Մոսկվայի Երիտասարդական կենտրոնում տեղի կունենա «Հարցազրույց առանց խմբագրման» տեսանախագծի պրեմիերան: Գրող, ռեժիսոր, պրոդյուսեր Ռուբեն Փաշինյանը Sputnik Արմենիա մուլտիմեդիոն մամուլի կենտրոնում կայացած ասուլիսի ժամանակ պատմեց, որ նախագծի նպատակն է վերականգնել հայոց պատմության (այդ թվում՝ խորհրդային շրջանի) ճշմարիտ փաստերը, որոնք ակտիվ կեղծվում են այսօրվա տեղեկատվական տիրույթում։Փաշինյանի խոսքով՝ սա մեծածավալ մշակութային նախագիծ է, որում միավորվում են կինեմատոգրաֆիան, գրականությունը և միջազգային ցուցադրությունները: Վերջին մեկ տարում նա 12 հեղինակային հարցազրույց է անցկացրել, որոնք ոչ թե որպես «հարցուպատասխան» ձևաչափով դասական զրույցներ է համարում, այլ մշակութային տարածության երկու ներկայացուցիչների շփում: Զրուցել են անկաշկանդ մթնոլորտում, քանի որ հարցազրուցավարների մեծ մասը Փաշինյանի գործընկերներն ու ընկերներն են։ Նրա խոսքով` ստացվել են մեկ պլանով նկարահանված «պոդկաստներ», իսկ հետո որոշել է 40-50 րոպե տևողությամբ տեսագրություն հավաքել, որում կլինեն այդ բոլոր զրույցների լավագույն հատվածները։Նա հույս հայտնեց, որ Հայաստանի մասին այլ ժողովուրդների ներկայացուցիչների հետ հարցազրույցները, ինչպես և բուն նախագիծը շարունակական կլինեն:Բացի այդ, Ռուբեն Փաշինյանն անդրադարձավ հայ կինոռեժիսոր և սցենարիստ Գարիկ Մաշկարյանի՝ Հայրենական մեծ պատերազմի մասնակիցների մասին պատմող «Մարտական եղբայրություն» վավերագրական նախագծին: Փաշինյանը նախագծին մասնակցել է որպես վարող, իսկ հետո դարձել է նաև պրոդյուսերը։Ինչպես նշեց Փաշինյանը, նախագծի հեղինակ Գարիկ Մաշկարյանը, որը Հայրենական մեծ պատերազմի հայ հերոսների մասին բազմաթիվ պատմություններ է կուտակել, մտադիր է նաև նմանատիպ ֆիլմեր նկարահանել Հայրենական մեծ պատերազմին այլ հանրապետություններից մասնակցած անձանց մասին: Հիմա քննարկվում է նախագծում Վրաստանը ներգրավելու հարցը։«Ինչու չպատմել նաև մեր վրացի եղբայրների մասին։ Նման նախագիծ կարող է իրականացվել, եթե վրացական կողմի հետ փոխըմբռնում ձեռք բերվի ֆինանսավորման և հստակեցման կարիք ունեցող տեղեկություններ տրամադրելու առումով: Նախնական կա մի մարդ, որի մասին մենք կցանկանայինք պատմել՝ Խորհրդային Միության հերոս, օդաչու, Գարի Ալեքսանդրի Մերկվիլաձեն: Եվ ես շատ ուրախ եմ, որ Վրաստանի հայերն աջակցում են այս գաղափարը, նաև շնորհակալ եմ Վիրահայոց թեմի առաջնորդ տեր Կիրակոս եպիսկոպոս Դավթյանին, որի աջակցությամբ Թբիլիսիում տեղի են ունենում մեր նախագծերի շնորհանդեսները», – ասաց նա:Ինչպես ավելի վաղ հայտնել էինք, «Մարտական եղբայրություն» վավերագրական ֆիլմաշարը բացվել է օդաչու Վազգեն Օգանեսովի հերոսական սխրանքի մասին պատմությամբ։
2026
Լուրեր
am_HY
https://cdn.am.sputniknews.ru/img/07ea/04/11/101086115_212:0:1652:1080_1920x0_80_0_0_78ec1016c72a7b56fc4e72d0e8951131.jpg.webp
հայաստան, ռուբեն փաշինյան, հայեր, հայրենական մեծ պատերազմ, видео
հայաստան, ռուբեն փաշինյան, հայեր, հայրենական մեծ պատերազմ, видео
Պրոդյուսերը ոչ թե գովերգում է հայերին, այլ ցույց է տալիս այն, ինչ կա իրականում, ներկայացնում է Հայաստանի և Հայաստանից դուրս մշակութային ներուժը:
Փաշինյանի խոսքով՝ սա մեծածավալ մշակութային նախագիծ է, որում միավորվում են կինեմատոգրաֆիան, գրականությունը և միջազգային ցուցադրությունները: Վերջին մեկ տարում նա 12 հեղինակային հարցազրույց է անցկացրել, որոնք ոչ թե որպես «հարցուպատասխան» ձևաչափով դասական զրույցներ է համարում, այլ մշակութային տարածության երկու ներկայացուցիչների շփում: Զրուցել են անկաշկանդ մթնոլորտում, քանի որ հարցազրուցավարների մեծ մասը Փաշինյանի գործընկերներն ու ընկերներն են։ Նրա խոսքով` ստացվել են մեկ պլանով նկարահանված «պոդկաստներ», իսկ հետո որոշել է 40-50 րոպե տևողությամբ տեսագրություն հավաքել, որում կլինեն այդ բոլոր զրույցների լավագույն հատվածները։
«Գաղտնիք չէ, որ Հայաստանը պարտվում է ինտերնետային տիրույթում ծավալվող տեղեկատվական պատերազմում։ Մենք շրջապատված ենք բազմաթիվ ֆեյքերով, հայոց պատմությունը հողին ենք հավասարեցրել։ Նույնիսկ հեգնանքով ասում են՝ «ախ, այդ «հին ազգ» կոչվածները»: Ի՞նչ «հին ազգ»։ Տեսեք, թե որքան մեծեր ունենք: Ես ոչ թե գովերգում եմ հայերին, այլ ցույց եմ տալիս այն, ինչ կա իրականում, ներկայացնում եմ Հայաստանի և Հայաստանից դուրս մշակութային ներուժը: Ավելին` ֆիլմում կան այլ ազգերի ներկայացուցիչներ, որոնք խոսում են Հայաստանի մասին։ Օրինակ՝ շատերի կողմից սիրված լատվիացի դերասան Իվար Կալնինշը», – նախագծի մանրամասներն ու ստեղծման շարժառիթները ներկայացրեց Փաշինյանը։
Նա հույս հայտնեց, որ Հայաստանի մասին այլ ժողովուրդների ներկայացուցիչների հետ հարցազրույցները, ինչպես և բուն նախագիծը շարունակական կլինեն:
Բացի այդ, Ռուբեն Փաշինյանն անդրադարձավ հայ կինոռեժիսոր և սցենարիստ Գարիկ Մաշկարյանի՝ Հայրենական մեծ պատերազմի մասնակիցների մասին պատմող «Մարտական եղբայրություն» վավերագրական նախագծին: Փաշինյանը նախագծին մասնակցել է որպես վարող, իսկ հետո դարձել է նաև պրոդյուսերը։
Ինչպես նշեց Փաշինյանը, նախագծի հեղինակ Գարիկ Մաշկարյանը, որը Հայրենական մեծ պատերազմի հայ հերոսների մասին բազմաթիվ պատմություններ է կուտակել, մտադիր է նաև նմանատիպ ֆիլմեր նկարահանել Հայրենական մեծ պատերազմին այլ հանրապետություններից մասնակցած անձանց մասին: Հիմա քննարկվում է նախագծում Վրաստանը ներգրավելու հարցը։
«Ինչու չպատմել նաև մեր վրացի եղբայրների մասին։ Նման նախագիծ կարող է իրականացվել, եթե վրացական կողմի հետ փոխըմբռնում ձեռք բերվի ֆինանսավորման և հստակեցման կարիք ունեցող տեղեկություններ տրամադրելու առումով: Նախնական կա մի մարդ, որի մասին մենք կցանկանայինք պատմել՝ Խորհրդային Միության հերոս, օդաչու, Գարի Ալեքսանդրի Մերկվիլաձեն: Եվ ես շատ ուրախ եմ, որ Վրաստանի հայերն աջակցում են այս գաղափարը, նաև շնորհակալ եմ Վիրահայոց թեմի առաջնորդ տեր Կիրակոս եպիսկոպոս Դավթյանին, որի աջակցությամբ Թբիլիսիում տեղի են ունենում մեր նախագծերի շնորհանդեսները», – ասաց նա: