Անգլիական «Լիվերպուլը» իր պաշտոնական կայքում տեղեկատվություն է հրապարակել, որ ֆրանսիացի հարձակվող Հյուգո Էկիտիկեն վնասվածք է ստացել։ Նա փոխարինվել է Չեմպիոնների լիգայի քառորդ եզրափակչում ֆրանսիական «Պարի Սեն Ժերմենի» դեմ պատասխան խաղի (0:2) 31-րդ րոպեին։
«Բժշկական զննումից հետո հաստատվել է Աքիլեսյան ջիլի վնասվածքը։ Հետևաբար, Էկիտիկեն բաց կթողնի ակումբային մրցաշրջանի մնացած մասը և չի կարողանա մասնակցել այս ամռանը կայանալիք Աշխարհի առաջնությանը Ֆրանսիայի ազգային հավաքականի կազմում»,- ասվում է հայտարարության մեջ։
2026 թվականի Աշխարհի առաջնությունը կանցկացվի Միացյալ Նահանգներում, Կանադայում և Մեքսիկայում։