Չեք խանգարում, եկեք գրանցվեք, գնացեք, վարկ կունենաք փակելու. Փաշինյանը՝ ընդդիմությանը
Բաժանորդագրվեք Zarkerak.am-ի տելեգրամ ալիքին։
«Այս ինչ շարժ է, գնում գալիս են: Ոնց որ պտտվիր կյանքի կարուսել երգը լինի, մտնում դուրս են գալիս»,- ԱԺ-ում անդրադառնալով ընդդիմադիրների գրանցմանն ու դահլիճից դուրս գալուն՝ ասաց վարչապետ Նիկոլ Փաշինյանը:
ԱԺ փոխնախագահ Ռուբեն Ռուբինյանն էլ նշեց՝ գրանցվում են, որպեսզի աշխատավարձ ստանան, բայց գնում են, որպեսզի չմասնակցեն նիստին. «5 տարի է՝ այդ շարժն ենք տեսնում: Մեզ հետևող հանրությանը տեղեկացնեմ, որ երբ պատգամավորները չեն գրանցվում, այդ նիստի համար աշխատավարձից զրկվում են, մեր հարգարժան ընդդիմադիրները գրանցվում են, որպեսզի չզրկվեն աշխատավարձից»:
Փաշինյանն էլ նկատեց. «Ճիշտ են անում, ժողովուրդ ջան եկեք գրանցվեք, ընդդիմության մյուս ներկայացուցիչներին կոչ եմ անում գալ, չեք խանգարում, եկեք գրանցվեք, գնացեք, վարկ կունենաք փակելու, կարող է բենզինը թանկացած լինի, էլ չեմ ասում՝ գնաճի մասին եք խոսում»: