Ապրիլի 14-ին զինծառայողի մահվան դեպքի առթիվ նախաձեռնվել է քրեական վարույթ ինքնասպանությանը հասցնելու հատկանիշներով
ԵՐԵՎԱՆ, 15 ապրիլի․/Նովոստի–Արմենիա/․ Ապրիլի 14-ին զինծառայողի մահվան դեպքի առթիվ նախաձեռնվել է քրեական վարույթ՝ Քրեական օրենսգրքի 523-րդ հոդվածի 1-ին մասով (զինծառայողին ինքնասպանության հասցնելը), հայտնում է ՔԿ մամուլի քարտուղար Կիմա Ավդալյանը։
«Նշանակվել են փորձաքննություններ: Կատարվում է նախաքննություն՝ դեպքի ամբողջական հանգամանքները պարզելու ուղղությամբ», – նշել է Ավդալյանը Facebook-յան իր էջում։
Նախօրեին ՊՆ–ն հայտնել էր, որ ապրիլի 14-ին մահացել է զինծառայող Նարեկ Արշակի Հակոբյանը։