ԱՄՆ նախագահ Դոնալդ Թրամփը երեքշաբթի հայտարարել է, որ երկու օրվա ընթացքում Պակիստանում կարող են բանակցություններ տեղի ունենալ ամերիկյան և իրանական կողմերի միջև:
«Կարող է ինչ-որ լավ բան տեղի ունենալ առաջիկա երկու օրվա ընթացքում, մենք ավելի ու ավելի ենք հակված այնտեղ գնալուն»,- ասել Է Սպիտակ տան ղեկավարը the New York Post-ի հետ հարցազրույցում:
Նա նշել է, որ իրեն դուր է գալիս հենց Պակիստանում բանակցություններ անցկացնելու գաղափարը, քանի որ այդ երկրի զինված ուժերի գլխավոր հրամանատարը «հիանալի է կատարում իր աշխատանքը»:
Ավելի վաղ շրջանառվում էր իրանա-ամերիկյան հաջորդ հանդիպումը Թուրքիայում կամ Եգիպտոսում անցկացնելու հավանականությունը: