18–ամյա Դավիթ Մինասյանի գործով նախաքննությունն ավարտվել է. փաստաբանը մտահոգված է

18–ամյա Դավիթ Մինասյանի գործով նախաքննությունն ավարտվել է. փաստաբանը մտահոգված է

18–ամյա Դավիթ Մինասյանի գործով նախաքննությունն ավարտվել է. փաստաբանը մտահոգված է

Sputnik Արմենիա

Փաստաբանը կարծում է, որ վարույթն իրականացնող մարմնի նպատակն է կանխել տղային ազատ արձակելու հնարավորությունը։ 11.04.2026, Sputnik Արմենիա

2026-04-11T13:55+0400

2026-04-11T13:55+0400

2026-04-11T13:55+0400

հայաստան

սուրբ աննա եկեղեցի

դավիթ մինասյան

կալանք

հհ քննչական կոմիտե

փաստաբան

լուսինե մարտիրոսյան

https://cdn.am.sputniknews.ru/img/07ea/03/1f/100424961_0:67:1280:787_1920x0_80_0_0_0895aa5325884ce3a48a2c0b6bbcc8de.jpg.webp

ԵՐԵՎԱՆ, 11 ապրիլի – Sputnik. Երևանի Սուրբ Աննա եկեղեցում տեղի ունեցած միջադեպից հետո կալանավորված 18-ամյա Դավիթ Մինասյանի գործով նախաքննությունն ավարտվել է: Տեղեկությունը հայտնում է փաստաբան Լուսինե Մարտիրոսյանը:Հիշեցնենք` մարտի 29–ին Սուրբ Աննա եկեղեցում միջադեպ տեղի ունեցավ ՀՀ վարչապետ Նիկոլ Փաշինյանի մասնակցությամբ։ Որոշ ժամանակ անց խուլիգանության և պաշտոնատար անձի օրինական ծառայողական և քաղաքական գործունեությանը միջամտելու կասկածանքով ձերբակալվեցին 18-ամյա երկվորյակ եղբայրներ Դավիթ և Միքայել Մինասյաններն ու հանրային գործիչ Գևորգ Գևորգյանը։ 3 անձ ձերբակալվեց։Մարտի 30–ին քննիչները խուզարկություն իրականացրին տղաների բնակարանում։ Մարտի 31–ին հայտնի դարձավ, որ եկեղեցում տեղի ունեցած միջադեպից հետո ձերբակալված 3 տղաների նկատմամբ քրեական վարույթ է նախաձեռնվել խուլիգանության և պաշտոնատար անձի օրինական ծառայողական կամ քաղաքական գործունեությանը միջամտելու հոդվածներով։ Երկվորյակ եղբայրներից մեկի` Միքայել Մինասյանի ու Գևորգ Գևորգյանի նկատմամբ խափանման միջոց ընտրվեց բացակայելու արգելքը և 5 մլն դրամ գրավը։ Իսկ Դավիթ Մինասյանը ապրիլի 1–ին 2 ամսով կալանավորվեց։Ապրիլի 3–ին Դավիթին «Արմավիր» ՔԿՀ-ից տեղափոխեցին «Աբովյան» ՔԿՀ՝ դպրոցական կրթությունը չընդհատելու նպատակով։ Ավելի ուշ հայտնի դարձավ, որ նրա առողջական վիճակը վատացել է, տեղափոխել են «Աբովյան» բժշկական կենտրոն, այնտեղից էլ՝ «Նաիրի» ԲԿ։