Լեհաստանի Կատովիցե քաղաքում ընթացող շախմատի Եվրոպայի անհատական առաջնության երրորդ տուրից հետո Հայաստանի երկու ներկայացուցիչներ առաջատարների թվում են։
Գրոսմայստերներ Շանթ Սարգսյանը և Ռոբերտ Հովհաննիսյանը երեք պարտիաներում տարել են երեք հաղթանակ և ունեն 3-ական միավոր:
Գրոսմայստերներ Էմին Օհանյանը և Հայկ Մարտիրոսյանը վաստակել են 2.5-ական միավոր։
Եվրոպայի առաջնությանը մասնակցում են 43 երկրների 502 շախմատիստներ: Հայաստանն ունի 15 ներկայացուցիչ։