Քաղաքականություն
10.04.2026 | 10:16
ԱՄՆ նախագահ Դոնալդ Թրամփը Իրանին զգուշացրել է նավթային լցանավերից Հորմուզի նեղուցով տարանցման համար վճար չպահանջել։
«Կան հաղորդումներ, որ Իրանը վճարներ է գանձում Հորմուզի նեղուցով անցնող լցանաձերից։ Ավելի լավ է դա չանեն, իսկ եթե անում են, ապա ավելի լավ է դադարեցնեն», – գրել է Թրամփը իր Truth Social-ում։
Նա մեկ այլ գրառմամբ մեղադրել է Իրանին երկշաբաթյա հրադադարի համաձայնագրի պայմանները խախտելու համար։
Թրամփն ասել է, որ Իրանը «շատ վատ աշխատանք է անում»՝ թույլ տալով նավթ անցկացնել Հորմուզի նեղուցով. «Ոմանք կասեն, որ դա նույնիսկ անազնիվ է: Սա այն չէ, ինչի շուրջ մենք համաձայնության ենք եկել»:
Իրանի կողմից Հորմուզի նեղուցում նավագնացության ապաշրջափակումը ապրիլի 8-ին Թրամփի կողմից հայտարարված ժամանակավոր հրադադարի ամենակարևոր պայմաններից մեկն է։Նավերի տարանցումը վերսկսվել է սահմանափակ հիմունքներով։ Ըստ AFP-ի, որը հղում է կատարում նավագնացության տվյալներին, Մերձավոր Արևելքում հրադադարի հայտարարումից ի վեր նեղուցով անցել է ընդամենը 10 նավ։
Հիշեցնենք, որ Իրանի նոր գերագույն առաջնորդ Մոջթաբա Խամենեին հայտարարել է, որ Հորմուզի նեղուցի կառավարումը կմտնի նոր փուլ և որ պատերազմ չեն ուզում։
Թարգմանությունը` Էմմա Չոբանյանի