Քաղաքականություն
09.04.2026 | 17:30
Սաուդյան Արաբիայի և Իրանի արտաքին գործերի նախարարները պատերազմի սկսվելուց ի վեր առաջին հեռախոսազրույցն են ունեցել։ Այս մասին հայտարարել է Սաուդյան Արաբիայի արտաքին գործերի նախարարությունը։
«Զանգը կենտրոնացած էր իրավիճակի զարգացումների և լարվածության տեմպը դանդաղեցնելու ուղիների վերանայման վրա՝ տարածաշրջանում անվտանգությունն ու կայունությունը վերականգնելու համար», – ասվում է Էր-Ռիադի կողմից Իրանի, ԱՄՆ-ի և Իսրայելի միջև երկշաբաթյա հրադադարի մասին հայտարարությունից մեկ օր անց հրապարակված հայտարարության մեջ։
Զանգը երկու երկրների միջև առաջին պաշտոնական դիվանագիտական շփումն է այն բանից հետո, երբ Թեհրանը հարվածներ է հասցրել իր Պարսից ծոցի հարևաններին, այդ թվում՝ Սաուդյան Արաբիային՝ իսրայելա-ամերիկյան հարձակումներին ի պատասխան։
Սաուդյան Արաբիայում Իրանի հարվածներից, որոնց թիրախում են նաև թագավորությունում գտնվող ԱՄՆ ռազմական բազաները, զոհվել է առնվազն երկու մարդ (ազգությամբ հնդիկ և բանգլադեշցի)։
Թարգմանությունը`Էմմա Չոբանյանի