Դատարանը մերժեց ՀԷՑ-ի լիցենզիայի դադարեցման դեմ «Տաշիր կապիտալի» հայցը. փաստաբան

Դատարանը մերժեց ՀԷՑ-ի լիցենզիայի դադարեցման դեմ «Տաշիր կապիտալի» հայցը. փաստաբան

Դատարանը մերժեց ՀԷՑ-ի լիցենզիայի դադարեցման դեմ «Տաշիր կապիտալի» հայցը. փաստաբան

Sputnik Արմենիա

Փաստաբանական թիմը պատրաստվում է առաջիկայում դիմել ՀՀ վերաքննիչ դատարան։ 27.03.2026, Sputnik Արմենիա

2026-03-27T18:56+0400

2026-03-27T18:56+0400

2026-03-27T19:10+0400

հայաստանի էլեկտրական ցանցեր (հէց)

դատարան

հանրային ծառայությունները կարգավորող հանձնաժողով (հծկհ)

սամվել կարապետյան

https://cdn.am.sputniknews.ru/img/07e9/07/08/91069355_0:146:1280:866_1920x0_80_0_0_166942b5b74591f207bcc9068c1cd12b.jpg.webp

ԵՐԵՎԱՆ, 27 մարտի – Sputnik. Դատարանն այսօր մերժեց ՀԷՑ-ի լիցենզիայի դադարեցման դեմ «Տաշիր կապիտալի» հայցը: Այդ մասին Sputnik Արմենիայի հետ զրույցում ասաց «Տաշիր կապիտալ» ՓԲԸ–ի փաստաբաններից Վարդան Ալոյանը։Նրա խոսքով` «Տաշիր կապիտալ» ՓԲԸ–ի և ՀՀ հանրային ծառայությունները կարգավորող հանձնաժողովի գործով՝ ՀԷՑ–ի էլեկտրաէներգիայի բաշխման լիցենզիայից զրկելու առնչությամբ դատական նիստերին փաստաբանական թիմը կարողացել է ներկայացնել բոլոր փաստարկներն ու հիմնավորումները։Ալոյանը նշեց, որ քիչ առաջ են ստացել դատարանի որոշումը, որը 190 էջից է բաղկացած և այս պահին որևէ մեկնաբանություն դեռ չի կարող տալ որոշման վերաբերյալ։Փաստաբանական թիմը պատրաստվում է առաջիկայում դիմել ՀՀ Վերաքննիչ դատարան, սակայն խնդիրն այն է, որ այս ատյանում դատական առաջին նիստը կարող է տեղի ունենալ 2027 թ. հունիս–հուլիս ամիսներին։Հիշեցնենք` ՀՀ Ազգային ժողովը հուլիսի 3–ին 65 կողմ, 27 դեմ, 0 ձեռնպահ ձայներով երկրորդ ընթերցմամբ և ամբողջությամբ ընդունեց «Հանրային ծառայությունները կարգավորող մարմնի մասին» և «Էներգետիկայի մասին» օրենքներում նախատեսված փոփոխությունների և լրացումների փաթեթը (այլ կերպ ասած՝ ՀԷՑ-ի պետականացման նախագիծը)։Ավելի վաղ՝ հունիսի 18–ին, ՀՀ վարչապետ Նիկոլ Փաշինյանը գործարար, ՀԷՑ–ի սեփականատեր Սամվել Կարապետյանի կալանավորումից ժամեր առաջ, հայտարարեց` հասունացել է պահը, երբ «Հայաստանի էլեկտրական ցանցեր» ՓԲԸ–ն պետք է ազգայնացվի (պետականացվի)։ Փաշինյանը նաև սպառնաց ազատել ՀԷՑ-ի՝ պետության հետ չհամագործակցող աշխատակիցներին։ Հունիսի 24-ին նա հայտարարեց, որ ՀԷՑ–ի պետականացման պլանը պատրաստ է։Հուլիսի 18-ին հայտնի դարձավ, որ ՀԾԿՀ–ն պետական վերահսկողության ծառայության պետի պաշտոնից ազատված Ռոմանոս Պետրոսյանին նշանակել է «Հայաստանի էլեկտրական ցանցեր» ընկերության ժամանակավոր կառավարիչ։ Հանձնաժողովը նաև կառավարության ներկայացրած հաղորդման հիմքով վարույթ է հարուցել ՀԷՑ–ի նկատմամբ։Նշենք, որ Սամվել Կարապետյանը ընկերությունը ձեռք է բերել 2016 թվականին նախկին կառավարության խնդրանքով և հարյուր միլիոնավոր դոլարներ է ներդրել արդիականացման համար։ՀԷՑ–ի պետականացման մասին օրենքը դեռ չի բողոքարկվի ՍԴ–ում․ միջնորդությունը մերժվել է