Երեւան: Մեդիամաքս: Բուդապեշտում տեղի է ունեցել Ադրբեջանի նախագահի օգնական Հիքմեթ Հաջիեւի եւ Թուրքիայի նախագահի գլխավոր խորհրդական Աքիֆ Չաղաթայ Քըլըչի հանդիպումը:
«Մտքեր ենք փոխանակել Թյուրքական պետությունների կազմակերպության շրջանակներում համագործակցության հետագա ամրապնդման, ինչպես նաեւ ադրբեջանա-թուրքական եղբայրության ու ռազմավարական դաշնակցության հիման վրա տարածաշրջանային անվտանգության եւ փոխկապակցվածության հարցերի շուրջ:
Առկա գլոբալ մարտահրավերների ֆոնին առանձնահատուկ նշանակություն է ստանում թյուրքական աշխարհում միասնության եւ համերաշխության հետագա ամրապնդումը», – մեկնաբանել է Հաջիեւը: